典藏台灣 音樂分享 音樂人介紹 郵購典藏 網際連結 緣起... 站內導覽 來信聯絡
玉山の天籟

《阮無愛復哮》 (試 - )

詞/顏信星 曲/林道生
演唱/那魯灣合唱團

阮無愛復哮 雖然 228 予阿爸的血水滿街四界流
阮無愛復哮 雖然 228 予阿母的目滓少年翱到老
40 幾年來 無有翁婿的日子 烏雲逐日掛天邊
40 幾年來 無有阿爸的暗暝 夜鳥逐暗為阮啼
毋是阮昧曉用嘴齒賠嘴齒
是阮知影冤冤相報無了時
毋是阮無愛將汝放昧記
是因為阮到今猶未看著四正的公義
還阮真實的歷史 予阮撥開父父罩在心頭的暗霧
還阮人性的尊嚴 予阮心甘情願擲落手中的刀劍
阮無愛復哮 若會當
阮欲將阿爸的血水化做肥料 撒在故鄉的田頭
阮無愛復哮 若會當
阮欲將阿母的目滓用雨來攪 倒入故鄉的溪溝
阮無愛復哮 阮無愛復哮
直到此塊土地開遍民主 自由 和平的花草
直到阮的子孫毋免復流浪
在此啟造怹永遠的兜 在此啟造怹永遠的兜